من وحي الكلاسيكو

السلام عليكم,
الشارع الاردني الآن محموم بأم المعارك  الحديثة اذا صحت تسميتها, الحدث التلفزيوني  الاكثر مشاهدة بعد كأس العالم : برشلونة و الريال !
ومما زاد من "إحماء الوطيس" للمعركة  ان البرشا والريال بنفس عدد النقاط, ولا يفصل بينهما سوى هدف في ترتيب الدوري,,
بعد ما شفت اللي صار بعد ديربيات كثيرة بين الفريقين, تخيلت "الديربي" عنا, و لمن لا يعرف  الديربي,فهو لقاء فريقين من نفس المدينة,و يمكن  إطلاق وصف الديربي على المباراة التي تجمع كبار الافرقة في بلد معين, و هنا أحاول تخيل ما سيحصل في ديربي (الوحدات x الفيصلي) :
العاصمة الاسبانية مدريد  تشتعل ليلة الديربي الاردني, و المقاطعة الكتالونية تزدان باللون الاخضر و صور للمصابيح السحرية مع المارد , جكرا باهالي العاصمة حيث ترفرف الاعلام الزرقاء و النسر..هذا وقد أفاد الناطق الاعلامي لشركة دهانات ناشيونال بوجود طلب كثيف على دهاناتهم و خصوصا الازرق حيث سرت صرعة بين المشجعين المتعصبين للفيصلي بدهان سياراتهم بهذا اللون....
كما صرحت وزارة السياحة بارتفاع الحركة السياحية في البتراء بنسبة 75% مقارنة بالفترة نفسها من العام الماضي جراء تدفق عشرات الآلاف من المشجعين من مختلف أنحاء العالم لحضور هذا الديربي في ملعب خم الجاج العالمي ...
اما بعد المباراة فقد ضجت مدريد,ميلانو,روما ولندن بعد انتهاء المباراة المثيرة بفوز احد الفريقين(بلاش هلأ حد يزعل مني) بالزمامير و الهتافات طيلة الليل كما أفاد مراسل التلفزيون الاردني بوجود اشتباكات بين مناصري الفريقين في روما إثر مشادة كلامية انتهت بـ(طوشة) بعد ان تداعت عشيرتا السابب و المسبوب إلى نصرة ابن العشيرة, و لكن تم حل القضية بعد استشارة وجهاء العشيرتين بـ(عطوة و فنجان قهوة) على الطريقة الأردنية !
شكلي انا جمحت كتير ؟

عالعافية !

9 التعليقات:

Dr.Mohammed 10.4.10  

ديربي الاردن !! حلوه هاي انا عندي مبدأ ما راح احضر مبارة برشلونه و ريال اذا هم ما بحضرو مباراتنا و لا شو رايك؟

Rula A. 10.4.10  

لول @ شركة دهانات ناشيونال,,
انا ما بحب الكوره ولا بفهم اشي فيها مريحه راسي :)
حبيت البوست كتير.. تسلم الإدين :)

Sh3rawi 10.4.10  

والله يا دكتور اذا بدنا نمشي على هدا المبدأ عمرنا ما حنحضر مباراة !

شكرا آنسة رولا :) و ايديكي كمان

Genki Dama 10.4.10  

May be a new fight and a new murder like in the university

Sh3rawi 10.4.10  

Yes,
our logo always : Welcome to Jordan !

SimSim 11.4.10  

انت تعال شوف الطلاب بالمدرسة ... والله رح نمسح فيكم الأرض والتاني برد عليه ولكم أصلا انتو بتعرفو تلعبوا ؟ ههههه انا طبعا بكون رح أموت من الضحك بحكيلهم يعني أصحاب الفرق مش زعلانين ولا مرتفع ضغطهم زيكم ههههه

بس بتعرف انها ظاهرة غريبة يعني في دوري بريطاني وايطالي وفرنسي يعني ليش الأسباني أكتر شيء الناس مههوسين فيه ؟ انا تأثرت من أبوي لانه مشجع من الطراز الأول

Rand 11.4.10  

law sama7t... la tfatte7 jrou7 el sha3bain el espani wel itali... enta 3aref mazbout enno el qanawat el mshaffara me7takreh el dawri el ordoni w as3ar el eshteraak kteer ghalyeh fa ma 7ada men el sha3b 2ader ye7dar, fa arjouk ya3ni

Sh3rawi 12.4.10  

آه والله آنسة سمسم,
يعني بحسهم بدهم ياكلوا بعض علشان واحد سب على برشلونة و التاني بصير يسب على ريال كإنه الفرق إلهم !
يعني يا أخي شجع بس بالعقل ! مش ستاهلة تصير طوشة علشانهم !

بالفعل آنسة رند,فكرت انو اوديهم على مستشفى الجامعة علشان يسكروا الجروح, شو رايك ؟

Rand 13.4.10  

la ma fi da3i, markez se77i w salla Allah w baarak

عن حضرتي

أَنا حوارُ الحالمين ، عَزَفْتُ عن جَسَدي وعن نفسي لأُكْمِلَ رحلتي الأولى إلى المعنى ، فأَحْرَقَني وغاب

اللي بلحقوني

منعنعات

Qwaider Planet
Follow me on Watwet
Jordan Blogs

مدونات أتابعها

الازمة عندي