الغاية لا تبرر الوسيلة, ولا شو ؟

كثيرون عندنا "يلعبون" على مبدأ أخينا ميكافيللي,الغاية تبرر الوسيلة, ,لكن انا انسان لا احب إلا اللعب النظيف فهذا الكلام لم "يدخل" في دماغي ...
الذي سأقوله الآن يندرج تحت الضحك على الذقون من قبل مستخدمي هذا المبدأ عندنا, "يا ناس شوفو اصلا احنا عم نعمل هيك علشان مش عارف شو" ,و سوف أناقش فعاليتين حدثتا تحت هذا المنظور واحدة منهم حدثت قبل مدة وأحدثت جدلا حولها, أما الأخرى فهي حادثة حاليا (يومي الجمعة و اليوم السبت) , و لم أقرأ أي أحد يكتب عنها أو أي شيء ,
أول فعالية وهي الـ Dog Walk ,أنا من معارضي هذا الحدث و بشدة شديدة,حتى مع أن ريعه سيذهب لصالح جمعية خيرية,لكن هناك الكثير من الفعاليات التي يمكن استحداثها لدعم الجمعيات الخيرية و إشهارها,دون إظهار "بذخ" معين , بعمل Dog Walk , قد يقول قائل بأن الكلاب موجودة,فلم لا نستثمر وجودها بدعم الجمعيات, وهذه رأي أحترمه,لكن أبعقل أن "نُحَسس" أصحاب هذه الكلاب بأنهم فعلوا ما عليهم لمجرد أنهم أحضروا كلابهم للمشي ؟ هذه وجهة نظري الشخصية ...
أما الفعالية الثانية,فهي عرض مسرحي لـ"هاي سكوول ميوزيكال" عندنا,بصراحة تامة فأنا مقتنع بأن هذ الفيلم (هو كان مسرحية موسيقية تحولت فيما بعد إلى فيلم), لا جدوى منه سوى النظر إلى الشباب و البنات "اللي بجننوا" ...
منظمو العرض صرّحوا بأنهم خصصوا 2000 تذكرة للأيتام و ذوي الاحتياجات الخاصة,وبحمدالله تم التبرع من قبل عائلات شهمة و كريمة بسعر الـتذاكر,والتي أجزم بأنها بسعر "محترم جدا"...
السؤال هو, هل يحتاج أيتامنا وذوي الاحتياجات الخاصة في المراكز هنا إلى حضور مثل هكذا مسرحية غنائية لا أفكار فيها (لا أعتقد أن هناك أحدا يعتبر قصص الحب و الصداقة بين شباب وبنات الفيلم فكرة تستحق أي شيء),فأحضرنا 2000 يتيم و من ذوي الاحتياجات الخاصة,وتم التبرع بسعر تذاكرهم من قبل العائلات ولذلك يمكن أن نبرر هكذا فعالية أي أن الغاية تبرر الوسيلة هنا,فالأطفال يحبون الموسيقى وماشابه, ونريد أن نرسم الضحكة على وجوههم,وحتى يستطيع هؤلاء  الاندماج في المجتمع!!! 
عذر أقبح من ذنب,أمعقول أن تكون طريقة دمج الأيتام في المجتمع من خلال إحضارهم لمشاهدة عرض مسرحي لهكذا فيلم ؟
أليس من الأجدى جمع المبالغ التي دُفعت لتذاكر هؤلاء و شراء احتيجاتهم ؟ أو ملابس جديدة لهم أو ما شابه ؟ أو حتى حضور عروض مسرحية شعرية موسيقية غنائية ثقافية هادفة ؟ أو حتى مهرجانات لها فكرة هادفة ؟  
ألم يبقى في الدنيا أي فعالية حتى نزرع البسمة على وجوههم و ندمجهم في المجتمع (وللآن لا أعرف ما دخل العرض هذا بدمجهم في المجتمع!!!!!)  إلا هذه ؟
عالعافية,

11 التعليقات:

نادر احمد 8.5.10  

مساء الخير شعراوي
سأبدأ بالكلمة التي ختمت بها
عالعافية والله يعطيك العافية على البوست
بالنسبة لموضوع "الكلاب" والله من وجهة نظري أنو موضوع التبرعات هو مجرد غطاء ليقيهم شر النقد، ففي الأونة الأخير كثرت الأنتقادات حول المهرجانات والفعاليات المتعددة في الأردن، مهرجان جمال الخيول، مهرجان جمال الكلاب، مهرجان الرقص الشرقي، فلو كنا مثلا بلاد المواطن المرفه مثل النرويج أو السويد على سبيل المثال، ( خليهم يعملو اللي بدهم يا)، لكن عندما يكون نصف المواطينين يجمعون أكلهم من (الحاويات)، والنصف الآخر يشاور نفسه في الأمر، وعلى الطرف الآخر مهرجانات كلاب، فهنا قمة التناقض،
بالنسبة لموضوع الفيلم الذي تحدثت عنه، هذا كله من باب الرياء، الذي يغيب عنه المنطق والموضوعية، مثل موائد الرحمن التي تقيمها الشركات الكبرى، وأنت تعلم أخي شعراوي أن الهدف من وراء هذه الموائد هو الدعاية فقط للشركة الراعية، ناهيك عن أن هذا العمل مخصوم من الضريبة، (يعني اليتيم ولا الفقير، بيجي بياكل هالوجبات الملانة لحم، وبس يخلص رمضان بيرجع للخبز الناشف) طيب ما الفائدة إذن، والله لو أن تكاليف موائد الرحمن في العشرة سنين الأخيرة ذهبت لإقامة مشاريع صناعية، والله لشغلت كل العاطلين عن العمل
تسلم أيديك على البوست

Ahmad Hamdan 8.5.10  

معك حق الغاية لا تبرر الوسيلة, عرض الكلاب وغيرو من هاي الشغلات فقط لاظهار الطبقة اللي بتمتلك النقود في الأردن وطبعا معظمهم معروف وين ساكنين.
وطبعا عاي الفئة اللي بتشارك اللي بهالاحداث من الفئات اللي بتعشق المظاهر و ما بفرق معها فقير ولا شي بس بهمها منتجعاتها ونواديها تضل مفتوحة وما تغلق.

ما دام هالاهتمام بالفقراء اذا ينفقوا وما تعلم شمالهم شو أنفقت يمينهم زي ما وصى الرسول عليه الصلاة والسلام.

Whisper 8.5.10  

مساء الخير

الموضوع زي ما حكا نادر
بس بدهم يبررو لحالهم اللي بعملوه

وفي مليون طريقه وطريقه ليقدرو يساعدو الفقرا و الايتام, اول شي بدون ما ينشرو اللي بعملوه بالصحف والتلفزيون, هاد اذا فعلا بدهم يعملو خير

هون الغايه ابدا ما بتبرر الوسيله

الكيل بمكيالين 8.5.10  

اشي بيضحك وصلنا لهاي المرحلة من السخافة. ايوه سخافة وحتى لو اعترضتوا عالكلمة بتظل بالنسبة الي سخافة. تمشاية كلاب وافلام علشان دمج اليتيم والفقير في المجتمع! بحب احكيلكو انه اليتيم ما بده هيك نشاطات عشان يندمج، بده معاملة كويسة وحدا يمسح ع راسو ويحكيلو انت زي اخوي وزي ابني وما يميزه عن غيره في المعاملة. وهدول اللي تبنو هيك نشاطات لو شافو واحد بالشارع من هالأيتام والفقراء مش لابس كويس ما بيستنضفو يتطلعو فيه ولا يحكو معه عشان هيك اليتيم ما بيندمج بالمجتمع وبيحس حاله غريب ومبوذ.

صحيح الغاية شريفة بس الوسيلة ما الها اي علاقة بالغاية.

Sh3rawi 9.5.10  

أستاذ نادر,
كلامك مزبوط 100%, لو احنا في بلد أهله مرفهين و عايشين عالمزبوط انا ما رح انتقد اشي ...
لكن الشغلة انه الاغنياء اغنياء كتير و الفقراء فقراء عالآخر,و الغني مش عم يحس بتعريفة بالفقير و عم يتحججوا بهيم شغلات قدامنا !
وعنجد في عنا أشياء بتصير في الأردن ما الها داعي لو تتجمع مصاريفها و يعملوا اشي للبلد كان تحسن وضعها كتير من حيث البطالة والفقر ...

أحمد حمدان,
بالفعل زي ما حكيت,لو جد بهتموا كان بعملوا مليون شغلة غير هاي, بس همه قدامنا هيك انه بهتموا
شرفت المدونة سيدي :)

ويسبر,
الغاية لا تبرر الوسيلة وين ما كان ( بس شغلة روبين هود والله انا محتار فيها :P)

آنسة كيالة,
وانا لهلأ مش عارف شو دخل دمجه في المجتمع انه يحضر هيك فعاليات مليئة بالتخلف !
وفعلا زي ما حكيتي,لو بشوفوا حدا منهم في الشارع ( اصلا لو مشو في هيك شارع لانه الهم شوارع خاصة) ما رح يستنضف يتطلّع تطليعة وحدة عليه !
صديقيني الغاية مو شريفة,متل ما حكى نادر هي بس غطاء علشان ما حدا يحكي معهم !
الله بيعين على كل حال

nissan 9.5.10  

مساء الخير استاذ شعراوي

ربما هي وسيله لاراحة ضمائرهم المتعبه
لكن على طريقتهم...ليقنعوا انفسهم بانهم يؤدون خدمات للمجتمع...اعمال خيريه..جمعيات ... تبرعات لكن على طريقتهم المرفهه...بدون ان يضطروا لمعايشة الواقع المؤلم للفقراء والمحتاجين
اراهن ان معظم المنظمين لمثل هذه المهرجانات لم يقم في حياته بزيارة ملجأ ايتام او دار عجزه او حتى بيت من البيوت المستوره ...فهو مش ناقصه ان يطلع على الواقع المؤلم اللي بيوجع قلبه...فيقوم باحضارهم لعنده ...لمنطقته او كما يسمى
بالانجليزي ال
comfort zone
"خاصته
ويقوم بالترفيه عنهم على طريقته
اللي بتريحه هو وكما هو متعود
نهارك سعيد استاذي

Sh3rawi 9.5.10  

آنسة نيسان,
بصراحة أنا أشك أن يكون عند هؤلاء الناس ضمير من الأصل حتى يكون متعبا ...
بالفعل متل ما حكيتي,ما عمره شاف حدا زي هيك و ساعدو أو اشي
و انا برجح اللي حكى صديقي نادر,انه الشغلة بس علشان يتجنبوا النقد :)

nissan 9.5.10  

الله يجبر بخاطرك...لقب انسه فارقني من 15 سنه...شكلك لسه ما قرأت بوست الشبشب ووفوائده في توضيح مفاهيم الديمقراطيه لأولادي

nissan 9.5.10  

دخيلك ...لا مدام ولا خالتو ولا حجه
نيسان وبس
لما تقرأ البوست الجاي بتعرف الاسباب
وبعديه ان شاء الله بكتبلكم عن اولادي

Haitham هيثم Al-Sheeshany الشيشاني 10.5.10  

الغاية قطعا ً لا تبرّر الوسيلة -هنا كمثال صارخ على المقولة-

التعليقات و كذا الموضوع شفيا -بعضا ً- من الغليل :) فشكرا ً.

* توجيهي! معلومة جديدة ... :) و لا تعليق -حاليا ً- بس: روووووح أدرس
:]

all uk sites informations 9.11.10  

شكرا على مجهودك الرائع

عن حضرتي

أَنا حوارُ الحالمين ، عَزَفْتُ عن جَسَدي وعن نفسي لأُكْمِلَ رحلتي الأولى إلى المعنى ، فأَحْرَقَني وغاب

اللي بلحقوني

منعنعات

Qwaider Planet
Follow me on Watwet
Jordan Blogs

مدونات أتابعها

الازمة عندي