إطاعة عمياء

بعد شهر من الآن,سأكون أمام المرآة,أنظر إلى لحيتي غير المهذبة,غير المشذبة,و أنظف أسناني بالمسواك...
سأشتري دشداشة من ماركة الحلوة,و سيكون مسواكي معطّر, و سأشتري مسكا من عبدالصمد القرشي...
سيكون مِعوَلي في حقيبتي,و فأس صغيرة في جيبي...
سأكون قد اشتريت تذكرة روحة بلا رجعة لجدّة,لأني سأذهب منها إلى مكة, و اتعبّد ربي قليلا,ثم أبدأ عملي...

سأتصل مع CAT و سآشتق من عقولهم عرضا مغريا لاستئجار جرافات,و سأتواصل مع شركة بن لادن للتنظيف حتى ينظفوا المكان بعد ما أنهي عملي فيه ...

سوف نُخلي المسجد الحرام,تمهيدا لهدمه... شو بتحكي قاعد ؟ نعم:سوف نهدم المسجد الحرام ...
لا تخافوا:لن نهدم الكعبة,فقط المسجد الحرام...!

و لن يرجف لي جفن طول العملية,بل على العكس سأكون سعيدا,فانا أنفذ فتوى شرعية,لهدم المسجد الحرام,لان اختلاط النساء والرجال فيه عند الطواف هو اختلاط "محرم",و لذلك يجب هدمه و إعادة بنائه وفقا لتصميمات تراعي عدم الاختلاط بين النساء والرجال عند الطواف...
لكن عندي ملاحظة: و أنا بجهز حالي للعملية,خطر في بالي سؤال - و استغفر الله من هكذا سؤال - فقد أكد هذا السؤال على  أن إيماني ضعيف: هل كل العمرات والحجات الّتي قام بها الناس غير مقبولة بسبب الاختلاط ؟
بتحب تجاوبني يا يوسف الاحمد ؟ 
هدا يلي كان ناقصنا ! انا شكلي رح اموت بدبحة صدرية من ورا هيك ناس!

10 التعليقات:

Rand 19.3.10  

hada kollo men ellet el fehem bel deen, ya enno mesh me3taref bel sunneh el nabaweyyeh men asaso

Sh3rawi 19.3.10  

هي مش قصة قلة فهم دين,
هي قصة انه الاخ وجد الحلول لكل مشاكل الامة, و طبقنا حلوله,و الامة الآن مثالية و ما ضل اشياء يفكر فيها الا الاختلاط "المحرم" عند الطواف في الكعبة, و بالتالي وجد الحل الأعظم !
هذا غلو و تطرف و تخلف في فهم الدين, و يدل على انه هدا الانسان مش عايش معنا!
الاقصى عم ينهد و هو بحكي بهد المسجد الاقصى
الله يهدّوا و يهدّ أمثاله !

Whisper 20.3.10  

هاد الاخ يا اهبل يا بتهبل... وانا برجّح انه اهبل


هو فعلا فهم غلط للدين, الشب مزروع اشي بمخه اللي واضح انه ما بستخدمه و مقتنع فيه تماما

مسكين المذيع واضح انه انصدم, نفسي اعرف شو ردّ عليه :$

الله يهدينا و يهديه

Rula A. 20.3.10  

هااد شكلو كبر وخرف وبطل عارف الفرق بين الدين الإسلامي والتخلف التابع للجهل!!

مياسي 21.3.10  

بتعرف جملة "ما عندو سالفه"!!
مش ملاقيه احسن منها صراحه انو شو هاد؟

دخيل الله!

Sh3rawi 21.3.10  

ويسبر :
المذيع ما بحكي اشي :)
هو في فيديو اطول شوي من هاد, بعدها في واحد بحكي لل"شيخ" يوسف, انه بحمدالله كتبه صارت مناهج

رولا:
مهي خلص طعة و قايمة ! كل واحد بفتي بلّي بدو اياه !
و شكرا على المرور :)

مياسي:
بصراحة يعني جد زي ما بحكوا بالانجليزي
Words Failed ! خلص فش اشي ينحكى !

sun of free dom 22.3.10  

بوركت على الموضوع
مدونتك رائعة

Just waiting 22.3.10  

مش هقول غير حسبي الله ونعم الوكيل
يــــــــارب استرها معانا يارب وخرجنا من الدنيا على خير وثبتنا على الحق الذي زاغت عنه القلوب

ماهر الجيلاني 24.3.10  

والله ما أنا عارف شو أحكي...

شيوخ بيخزو.. وين الشيوخ الرائعين؟ وين وجدي غنيم؟ وين الدكتور أحمد حوا , الدكتور محمد حسان... و أمثالهم ..

شعراوي, مش مين كل من ترك ذقنو تطول صار شيخ , أنا برجّح والله أعلم إنو هادا شيخ الكبّة, هاذا والله أعلم!

Sh3rawi 25.3.10  

Sun of freedom
شكرا الك,نورتي المدونة :)

Just Waiting
اللهم آمين

ماهر
والله يا زميل,هدول الشيوخ غارقين في مشاكل الامة و عم بفكروا بحلول الها عكس بعض شيوخ..شيخ كبة ممكن !

عن حضرتي

أَنا حوارُ الحالمين ، عَزَفْتُ عن جَسَدي وعن نفسي لأُكْمِلَ رحلتي الأولى إلى المعنى ، فأَحْرَقَني وغاب

اللي بلحقوني

منعنعات

Qwaider Planet
Follow me on Watwet
Jordan Blogs

مدونات أتابعها

الازمة عندي