بالمنطق يا أخي...بالمنطق!

حوار  بين "الاصدقاء":

" - هلأ انا بدي أسألك سؤال بعد اذنك؟
- أه تفضل..
-هلأ مش بدكو "تحرروا" فلسطين على قولتكو؟
- اااه يا روح امك, على قولتنا ! 
- طيب سؤالي:لما "تحرروها" وين بدهم اليهود يروحوا؟ "
 تغريب ثقافي بامتياز,طمس للهوية بحرفية,و غسيل دماغ ببرسيل,لانو مع برسيل مفيش مستحيييييييييييييل....
هالأيام كتير بصير هادا الحوار بين ناس لسا مؤمنين انو لازم نحرر فلسطين لانها النا,و بين ناس انغسلت أدمغتهم...


" - انت عم تحكي جد زميل ؟
- اه عم احكي جد شو شايفني بتخوت ؟
- حبيبي انت فلسطيني مو؟
- اه فلسطيني.
- وعم تسأل هيك سؤال ولا؟
- طبعا! يعني بالمنطق يا أخي,استعمل مخك شوي!!!!"
اشي عنجد بضحك:مش شر البلية ما يضحك؟ لما قررنا نستعمل عقولنا,عملنا غلطين...
.صحيح,انتو بتعرفوا شو بحكوا همه(الغرب و شلته) عنا(العرب) ؟ انه احنا منمسك الاشي الصح,و منطبقوا غلط,و اذا غلط منزيد غلطو! بدكو الصراحة؟ هدا الحكي جدا مزبوط للأسف!
المهم نرجع للموضوع,أول غلط انو فكرنا حالنا هيك عم نفكر.. و تاني غلط انو فكرنا انو هيك عم نفكر "منطقيا" !


" - يعني هلأ من كل عقلك بدك تروح تحررها,و تطلع اليهود منها علشان يتشردوا ؟ انت ما عندك رحمة ؟
- والله يا حبيبي,اللي بحتل أرض مش إلو,و بذل الناس اللي فيها,و بستحقرهم,و بدنّس مقدساتهم, و بضرب كل حقوق الانسان بعرض الحيطة,بستاهل كل شي . مش الجزاء من جنس العمل؟
- يا زلمة هدول اليهود فوق ما انعمل فيهم هولوكست و تشردوا و هتلر لعن أبوهم جاي تحكيلي يتشردوا و ابصر شو ؟"
زي ما انتو شايفين,هدا بصير دايما,و هادا النص شبه حرفيا صار مع اكتر من صديق الي...
والباقي عندكو..
و عالعافية!

7 التعليقات:

قط البكتريا 27.2.10  

الله يجعلهم متشردين ومتشنطيطن يارب... هسا هم لما اجا عندنا مش شردونا ؟؟ من بلدنا كمان
هسا بس نحنا - ان شاء الله - نشنططهم بنصير عدمين رحمه ؟؟
ان شاء الله بنشننططهم وبنشردهم وبدناش نفكر بالمنطق

مدونة جميله لك كل الاحترام شعراوي باشا :D

Whisper 27.2.10  

"تطلع اليهود منها علشان يتشردوا؟انت ما عندك رحمة؟"

هاد مش مسح دماغ, هاد اخدو منه الدماغ و اعطوه واحد الافكار معموللها داون لود وجاهزة وعاملين لوك على التحديث او ادخال معلومات جديده...

ميتشردو الله لا يردهم, وين عايشين هالعالم و ش وفاهمين بالزبط!!!

منطق مين؟؟ هاد قتل الافكار وما خلّالها منطق

Sh3rawi 28.2.10  

قط البكتيريا:
ان شاء حيتشنططوا عن قريب انت استنى شوي بس..
و كل العطف و الحنان الك,تحياتي...

ويسبر:
والله مزبوط 100%
هادا اللي بسمو منطق "أعوج"

غير معرف 28.2.10  

سؤال منطقي الصراحة .. !! حرام وين بدهم يروحو !! بدكم ياهم يتشنططو و يهاجرو زي ما صار بالفلسطينيين ! مش منطق يا جماعة الخير !

jafra 28.2.10  

على البحر اللي جابهم
طبعا هلا بعتبروني لا سامية و بنادي باغراق شعب الله المحتال على حالوا
مرة واحد بريطاني سالني ذات السؤال فرديت عليه متل ما قال صلاح الدين
شو قال
اللي عاجبه يضل عنا اهلا وسهلا و اللي مو عاجبه يتفضل يدور على مكان يعجبوا
بس هادا باسلوبي
يا سيدي مش مشكلة بتعاطف معهم بس لما اكون قاعدة على البلكون في دار جدي بقضى يافا بشرب قهوة
و هون بتعاطف معهم كتير اذا بدهم

بس شو بكتيري اكم دعوة بهدوا الجبال الله يستجيب منك يا رب

Sh3rawi 28.2.10  

جفرا
اذا هيك انا لا-سامي من زماااااااااان ....
وين صلاح الدين عنا هلأ ؟

Ahmad Merie 1.3.10  

walllah ya sh3rawi mesh mase7!! mase5!!
zay masre be7keele 3awezne aroo7 ajahed fe falasteen 3ashan ye3malo feye zay ma 3emlo belle ra7o jahado bel iraq?!! enno el 3eraqyeh kano yagtlo fehom!! ballah sho a7keelo had!? mfakerne masri zayo o nase ene falasteene!! enno lawla shwayet el 3gl elle 3ende wella kan sar da7eyet 3amaleyet e3'teyal!!

عن حضرتي

أَنا حوارُ الحالمين ، عَزَفْتُ عن جَسَدي وعن نفسي لأُكْمِلَ رحلتي الأولى إلى المعنى ، فأَحْرَقَني وغاب

اللي بلحقوني

منعنعات

Qwaider Planet
Follow me on Watwet
Jordan Blogs

مدونات أتابعها

الازمة عندي